" पश्चाताप्"
निधि कोर्ट दी पौढियेँ पर खडोती दी चुपचाप सोचै दी ही केह् कदे इत्थै गै धरती च थ्होडी जनेही बित्थ मिलै ते उस च समाई जा। बिल्कुल इ'यां जि'यां सीता माता दी धरती नै अपनी गोदी च छपाली लेआ हा, इ'यां गै पर एह् होना ते बडा गै मुश्कल हा ओह् उसलै सतजुग हा ते हून कलजुग जित्थै झूठै दा सच्च ते सच्चै दा झूठ बनी जंदा ऎ। इस बुनतर च गै पेदी ही जे इन्ने चिर उसी ओह्दे भ्राऊ ने आनियै आक्खेआ, चल अंदर चलिये-ओह् उत्थै खडोती दी अपने भ्राऊ गी बलगै दी ही जेह्डा अपना मोटर साईकल बक्खी उप्पर खढेरने आस्तै गेदा हा।निधि ओह्दे पिच्छै चली पेई। पैह्ली बारी कोर्ट च जाने करी उसी नेईं हा पता जे किस पासै जाना ते कोह्दे कोल जाना, ओह् अज्ज ऎक्सडैंट दा चलान भुगतने आस्तै आई ही।ऎक्सडैँट ओह् जेह्डा उन्न नेईँ हा कीते दा बल्के भला करदे-करदे ग'ल्ल गै पौने आह्ली गल्ल होई गेदी ही।पर जान फाइयै फसी गेदी ही। कदें इक दे कोल कदें दूए दे कोल कोर्ट दे कम्मै दा बिल्कुल बी पता नेईं हा लग्गा दा जे केह् होआ दा ऎ। निधि छडी जित्थै बकील दस्सै दा हा इत्थै साईन करो बस इन्ना गै करै दी ही कीजे उसी उर्दू नेईं ही औँदी इस करी।उसी ओह् आह्ला ध्याडा पक्का चेता ऎ जिसलै एह् अनहोनी बरती ही।निधि घरै दा गड्डी लेइयै दफ्तरै आस्तै निकली ही जे अजें मसाक पुलै पर पुज्जी ही जे सडकै च पानी होने करी इक बुड्ढी उत्थै सडकै पर डिग्गी पेई ही उन्न गड्डी जरा'क अग्गै करियै रोकी ही ते दिक्खदे-दिक्खदे गै लोकें दा कट्ठ उत्थै होई गेआ पर जिसलै बुड्ढी गी दिक्खेआ तां ओह् पंशानू गै ही ते उन्न उसी घरै गी छोडने आस्तै आक्खेआ, उत्थै खडोते दे लोकें बत्थेरा आक्खेआ जे उसी ओह् स्कूटरै पर उंदे घर छोडी ओडदे न पर उन्न देआ दस्सदे होई उसी उंदे घर छोडने दी जिम्मेवारी लेई ही, ते जंदे बेल्लै उत्थै दकानदार ने जोरै कन्नै आबाज लांदे होई कन्नै जाने आह्ले मुडे गी आक्खेआ हा, वे माई दे घर सनाई ओडेआं जे मैडम दी गड्डी कन्नै नेईं जे लग्गी दी, मते इंदे उप्पर गै पेई जान।उसलै उसी ओह्दी गल्लेँ पर खिँझ चढै दी ही। पर ओह् ओह्दा तजर्बा हा।
पर जिसलै निधि उसी घर छोडने आस्तै आई ही तां उंदे घरैआह्ले दा रवेइयां किश-किश अजीब गै हा, कन्नै आए दे बजारै दे आदमी ने आक्खेआ बी जे इंदी गड्डी कन्नै नेईं लग्गी दी पर, फ्ही बी बुड्ढी दे मुडे दे आक्खने पर हास्पताल बी लेता उत्थै दाखल कराइयै कम्मै पर परतोई आई ही। उसी बिल्कुल चित्तचेते च नेईं हा जे एह् सब्भ किश बरतोई जाग, उन्न घर आनियै बी गल्ल कीती जे इ'यां इक बुड्ढी सडकै पर डिग्गी पेदी ही ते उसी उसदे घर ते फ्ही हास्पताल दाखल कराया। इक्कडी गल्लै दा ख्याल गै नेईं हा जे उल्ट बी होई सकदा ऎ।जे उल्ट बी होई सकदा ऎ। ऎक्सडैंट दे कोई पंजमेंछेमेंध्याडे दो पुलसै आह्ले बर्दी लग्गे दे घर आए। आखन लगे जे तुंदी गड्डी कन्नै ऎक्सडैँट होए दा ऎ ते गड्डी गी जब्त करना ऎ।उसलै निधि दफ्तर गेदी ही। घरै च उसदे मां-बब्ब गै हे।उ'नेँगी सञ्जै'लै आने आस्तै आक्खेआ।पर ओह् नेईँ हे मन्नै दे ते आक्खन लगे शामीँ'लै थाने ज़रूर हाजरी देन। जिसलै निधि घर आई तां पता लग्गा जे पुलसै आह्ले आए दे हे। ओह्दी पैरेँ थमां जिमीँ गै खिसकी गेई ही जे एह् केह् होई गेआ ऎ। पर एह् सब्भ विधाता दा बनाए दा निजम ऎ जे म्हेशां भला करने आह्लेँ दी गै परिखेआ लैती जंदी ऎ। उ'न्न अपने सगे-सरबन्धियेँ गी टैलीफून करियै सनाया जे इ'यां घैर झुल्ली गेआ ऎ।सभनेँ निधि दी गै निखरेआ जे तू एह् केह्डा कम्म कीता। पढे-लिखे दे होँदे होई बी इन्नी बड्डी गल्ती करी ओडी ऎ। उसगी घर छोडियै। ते मस्त होई गेई।उ'नेँ उल्टा केस करी ओडेआ हिट एंड रण ( Hit & Run ) दा जेह्डा कदेँ कोई सोची बी नेईँ सकदा जे कोई घर छोडन जा तां ओह् केह्डा हिट एंड रण दा केस बनदा ऎ। उ'नेँगी अपनी बरादरी दा ते जान-पंशान होने दा बी ख्याल नेईँ आया। एह् केह् कीता ऎ इ'नेँ? उब्भी इक कुडी पर, इब्बी सोची लैंदे जे इक्कली-मुक्कली कि'यां कोर्ट च जाग। निधि इ'यां सोचा दी ही जो बी कीता ठीक गै कीता होना जो उ'नेँगी चंगा लग्गा। शामीँ'लै अपने भ्राऊ कन्नैथाने गेई ते पुलसै आह्ले जिसलै पूरी तब्तीश कीती तां उब्भी हरान-परेशान होआ दे ही जे ओह् कनेए बं'देँ न जिनेँ एह् झूठा केस कीता ऎ। निधि अपने कन्नै आह्ली हर इक घटना गी उस ईश्वर दी नेक मर्जी गै समझदी। खबरै इस च गै भलाई होग। तां गै इ'यां होआ। फ्ही हून केस इ'न्ना पचीदा होई गेदा हा जे कोर्ट दे चक्रेँ बगैर खत्म नेईँ हा होई सकदा।इ'यां एह् ऎक्सडैँट दा केस कोर्ट च चलना शुरु होई गेआ।उस दिन ओह् उस्सै केस दे चलान गी भुगतने आस्तै आई दी ही। उसी इ'यां लग्गा दा हा जे जि'यां कोई बडा-बड्डा जुर्म कीते दा होए। उसगी इ'यां लग्गा दा हा जे सब्भै लोक उसी गै दिक्खै दे न जे उब्बी कोई मुजलिम ऎ।एह् सब्भ किश सोची-सोचियै उसी अपने-आपै उप्पर गै नफरत होआ दी ही जे उन्न एह् नेक कम्म करने दी की सोची, जिस दा इ'न्ना बखैद बनी गेआ।अज्ज छडा इ'न्ना गै होआ जे चलान भुगतने करी गड्डी छडकाई लेआ। पर घर आइयै निधि दा मन कुसै कन्नै बी बोलने दा नेईँ कीता।ऎसी चुप्पी लग्गी जे मूहं ते किश नेईँ हा बोला दा पर अक्खीँ दे अत्थरूं रूकने दा नां नेईँ हे लै दे कीजे मन कुतै खडोआ दा गै नेईँ हा डुसकी-डुसकी प्राण जा दे हे।सभनेँ दे समझाने पर जे हून इ'यां ते कम्म नेईँ बनना किश करनेआ तूं कल्ले नेईं ऎ, सब्भ तेरे कन्नै न। बस इयै इक स्हारा हा जे सारे दिलासा देआ दे हे। इ'यां केसै दियां तरीकां पौना शुरू होई गेइयां।हर म्हीने मगरा जिसलै तरीक भुगतन जाना होँतां उसदा साह् घटोन लगी पौँदा जिसकरी पूरा दिन कोर्ट जाने ते बाद च किश बी शैल नेईँ लगदा, अफसोस च गै रौंह्दा। इ'यां एह् किश दिक्खियै सब्भ परेशान होँदे जे इ'यां कि'यां चलग।निधि दे भ्रा नै सभनेँ गी पुच्छी-पच्छियै जे इस केस गी खत्म कि'यां कराया जाई सकदा ऎ।पता लाया। दूई पार्टी गी सलाह करी लैने लेई मनाया। कुसै गी बिच्च पाइयै पर फ्ही बी इ'यां नेईँ होई सकदा हा जे जिसलै तगर निधि अपने उप्पर इस जुरम गी कबूल नेईँ करदी। जे ऎक्सडैँट उ'न्न कीते दा ऎ तदूं तगर एह् खत्म नेईँ होई सकदा।
निधि ने अपने मनै पर पत्थर रखदे होई फैसला करी गै लेआ जे रोज-ध्याडी दे घुटी-घुटियै मरने थमां इक्कै बारी इसी खत्म करी दित्ता जा ते साह् बी सौक्खा औग। इ'यां इक रोज दूई पार्टी आह्लेँ कन्नै गै कोर्ट च गे। जिसलै अपने केसै दी सुनवाई दी बारी आई तां जज नै दौनेँ धडेँ दी गल्ल सुनदे होई समझौता करने आस्तै आक्खेआ पर फ्ही बी निधि दी गै बेकसूर होँदे होई बी कसूर मनना हा। ओह् आह्ली घड़ी बडी गै मुश्कल ही। उ'नेँ काकलेँ पर हस्ताक्षर करदे होई हत्थ कम्बै दे ही ते अक्खीँ रोआ दियां ही। हस्ताक्षर करने कन्नै गै किश जुर्माना बी कीता गेआ। घर आइयै निधि ने प्रण कीता जे जरूरी नेईं जे गल्त कम्म करने दे मगरा गै पश्चताप् कीता जा जे हून बुरा कम्म नेईँ करना बल्के केँईँ बारी चंगे कम्म करने दे बाद बी पश्चताप् होँदा ऎ जे कुसै कन्नै बी भलाई नेईँ करनी।
...........................................
Dr. Chanchal Bhasin
निधि कोर्ट दी पौढियेँ पर खडोती दी चुपचाप सोचै दी ही केह् कदे इत्थै गै धरती च थ्होडी जनेही बित्थ मिलै ते उस च समाई जा। बिल्कुल इ'यां जि'यां सीता माता दी धरती नै अपनी गोदी च छपाली लेआ हा, इ'यां गै पर एह् होना ते बडा गै मुश्कल हा ओह् उसलै सतजुग हा ते हून कलजुग जित्थै झूठै दा सच्च ते सच्चै दा झूठ बनी जंदा ऎ। इस बुनतर च गै पेदी ही जे इन्ने चिर उसी ओह्दे भ्राऊ ने आनियै आक्खेआ, चल अंदर चलिये-ओह् उत्थै खडोती दी अपने भ्राऊ गी बलगै दी ही जेह्डा अपना मोटर साईकल बक्खी उप्पर खढेरने आस्तै गेदा हा।निधि ओह्दे पिच्छै चली पेई। पैह्ली बारी कोर्ट च जाने करी उसी नेईं हा पता जे किस पासै जाना ते कोह्दे कोल जाना, ओह् अज्ज ऎक्सडैंट दा चलान भुगतने आस्तै आई ही।ऎक्सडैँट ओह् जेह्डा उन्न नेईँ हा कीते दा बल्के भला करदे-करदे ग'ल्ल गै पौने आह्ली गल्ल होई गेदी ही।पर जान फाइयै फसी गेदी ही। कदें इक दे कोल कदें दूए दे कोल कोर्ट दे कम्मै दा बिल्कुल बी पता नेईं हा लग्गा दा जे केह् होआ दा ऎ। निधि छडी जित्थै बकील दस्सै दा हा इत्थै साईन करो बस इन्ना गै करै दी ही कीजे उसी उर्दू नेईं ही औँदी इस करी।उसी ओह् आह्ला ध्याडा पक्का चेता ऎ जिसलै एह् अनहोनी बरती ही।निधि घरै दा गड्डी लेइयै दफ्तरै आस्तै निकली ही जे अजें मसाक पुलै पर पुज्जी ही जे सडकै च पानी होने करी इक बुड्ढी उत्थै सडकै पर डिग्गी पेई ही उन्न गड्डी जरा'क अग्गै करियै रोकी ही ते दिक्खदे-दिक्खदे गै लोकें दा कट्ठ उत्थै होई गेआ पर जिसलै बुड्ढी गी दिक्खेआ तां ओह् पंशानू गै ही ते उन्न उसी घरै गी छोडने आस्तै आक्खेआ, उत्थै खडोते दे लोकें बत्थेरा आक्खेआ जे उसी ओह् स्कूटरै पर उंदे घर छोडी ओडदे न पर उन्न देआ दस्सदे होई उसी उंदे घर छोडने दी जिम्मेवारी लेई ही, ते जंदे बेल्लै उत्थै दकानदार ने जोरै कन्नै आबाज लांदे होई कन्नै जाने आह्ले मुडे गी आक्खेआ हा, वे माई दे घर सनाई ओडेआं जे मैडम दी गड्डी कन्नै नेईं जे लग्गी दी, मते इंदे उप्पर गै पेई जान।उसलै उसी ओह्दी गल्लेँ पर खिँझ चढै दी ही। पर ओह् ओह्दा तजर्बा हा।
पर जिसलै निधि उसी घर छोडने आस्तै आई ही तां उंदे घरैआह्ले दा रवेइयां किश-किश अजीब गै हा, कन्नै आए दे बजारै दे आदमी ने आक्खेआ बी जे इंदी गड्डी कन्नै नेईं लग्गी दी पर, फ्ही बी बुड्ढी दे मुडे दे आक्खने पर हास्पताल बी लेता उत्थै दाखल कराइयै कम्मै पर परतोई आई ही। उसी बिल्कुल चित्तचेते च नेईं हा जे एह् सब्भ किश बरतोई जाग, उन्न घर आनियै बी गल्ल कीती जे इ'यां इक बुड्ढी सडकै पर डिग्गी पेदी ही ते उसी उसदे घर ते फ्ही हास्पताल दाखल कराया। इक्कडी गल्लै दा ख्याल गै नेईं हा जे उल्ट बी होई सकदा ऎ।जे उल्ट बी होई सकदा ऎ। ऎक्सडैंट दे कोई पंजमेंछेमेंध्याडे दो पुलसै आह्ले बर्दी लग्गे दे घर आए। आखन लगे जे तुंदी गड्डी कन्नै ऎक्सडैँट होए दा ऎ ते गड्डी गी जब्त करना ऎ।उसलै निधि दफ्तर गेदी ही। घरै च उसदे मां-बब्ब गै हे।उ'नेँगी सञ्जै'लै आने आस्तै आक्खेआ।पर ओह् नेईँ हे मन्नै दे ते आक्खन लगे शामीँ'लै थाने ज़रूर हाजरी देन। जिसलै निधि घर आई तां पता लग्गा जे पुलसै आह्ले आए दे हे। ओह्दी पैरेँ थमां जिमीँ गै खिसकी गेई ही जे एह् केह् होई गेआ ऎ। पर एह् सब्भ विधाता दा बनाए दा निजम ऎ जे म्हेशां भला करने आह्लेँ दी गै परिखेआ लैती जंदी ऎ। उ'न्न अपने सगे-सरबन्धियेँ गी टैलीफून करियै सनाया जे इ'यां घैर झुल्ली गेआ ऎ।सभनेँ निधि दी गै निखरेआ जे तू एह् केह्डा कम्म कीता। पढे-लिखे दे होँदे होई बी इन्नी बड्डी गल्ती करी ओडी ऎ। उसगी घर छोडियै। ते मस्त होई गेई।उ'नेँ उल्टा केस करी ओडेआ हिट एंड रण ( Hit & Run ) दा जेह्डा कदेँ कोई सोची बी नेईँ सकदा जे कोई घर छोडन जा तां ओह् केह्डा हिट एंड रण दा केस बनदा ऎ। उ'नेँगी अपनी बरादरी दा ते जान-पंशान होने दा बी ख्याल नेईँ आया। एह् केह् कीता ऎ इ'नेँ? उब्भी इक कुडी पर, इब्बी सोची लैंदे जे इक्कली-मुक्कली कि'यां कोर्ट च जाग। निधि इ'यां सोचा दी ही जो बी कीता ठीक गै कीता होना जो उ'नेँगी चंगा लग्गा। शामीँ'लै अपने भ्राऊ कन्नैथाने गेई ते पुलसै आह्ले जिसलै पूरी तब्तीश कीती तां उब्भी हरान-परेशान होआ दे ही जे ओह् कनेए बं'देँ न जिनेँ एह् झूठा केस कीता ऎ। निधि अपने कन्नै आह्ली हर इक घटना गी उस ईश्वर दी नेक मर्जी गै समझदी। खबरै इस च गै भलाई होग। तां गै इ'यां होआ। फ्ही हून केस इ'न्ना पचीदा होई गेदा हा जे कोर्ट दे चक्रेँ बगैर खत्म नेईँ हा होई सकदा।इ'यां एह् ऎक्सडैँट दा केस कोर्ट च चलना शुरु होई गेआ।उस दिन ओह् उस्सै केस दे चलान गी भुगतने आस्तै आई दी ही। उसी इ'यां लग्गा दा हा जे जि'यां कोई बडा-बड्डा जुर्म कीते दा होए। उसगी इ'यां लग्गा दा हा जे सब्भै लोक उसी गै दिक्खै दे न जे उब्बी कोई मुजलिम ऎ।एह् सब्भ किश सोची-सोचियै उसी अपने-आपै उप्पर गै नफरत होआ दी ही जे उन्न एह् नेक कम्म करने दी की सोची, जिस दा इ'न्ना बखैद बनी गेआ।अज्ज छडा इ'न्ना गै होआ जे चलान भुगतने करी गड्डी छडकाई लेआ। पर घर आइयै निधि दा मन कुसै कन्नै बी बोलने दा नेईँ कीता।ऎसी चुप्पी लग्गी जे मूहं ते किश नेईँ हा बोला दा पर अक्खीँ दे अत्थरूं रूकने दा नां नेईँ हे लै दे कीजे मन कुतै खडोआ दा गै नेईँ हा डुसकी-डुसकी प्राण जा दे हे।सभनेँ दे समझाने पर जे हून इ'यां ते कम्म नेईँ बनना किश करनेआ तूं कल्ले नेईं ऎ, सब्भ तेरे कन्नै न। बस इयै इक स्हारा हा जे सारे दिलासा देआ दे हे। इ'यां केसै दियां तरीकां पौना शुरू होई गेइयां।हर म्हीने मगरा जिसलै तरीक भुगतन जाना होँतां उसदा साह् घटोन लगी पौँदा जिसकरी पूरा दिन कोर्ट जाने ते बाद च किश बी शैल नेईँ लगदा, अफसोस च गै रौंह्दा। इ'यां एह् किश दिक्खियै सब्भ परेशान होँदे जे इ'यां कि'यां चलग।निधि दे भ्रा नै सभनेँ गी पुच्छी-पच्छियै जे इस केस गी खत्म कि'यां कराया जाई सकदा ऎ।पता लाया। दूई पार्टी गी सलाह करी लैने लेई मनाया। कुसै गी बिच्च पाइयै पर फ्ही बी इ'यां नेईँ होई सकदा हा जे जिसलै तगर निधि अपने उप्पर इस जुरम गी कबूल नेईँ करदी। जे ऎक्सडैँट उ'न्न कीते दा ऎ तदूं तगर एह् खत्म नेईँ होई सकदा।
निधि ने अपने मनै पर पत्थर रखदे होई फैसला करी गै लेआ जे रोज-ध्याडी दे घुटी-घुटियै मरने थमां इक्कै बारी इसी खत्म करी दित्ता जा ते साह् बी सौक्खा औग। इ'यां इक रोज दूई पार्टी आह्लेँ कन्नै गै कोर्ट च गे। जिसलै अपने केसै दी सुनवाई दी बारी आई तां जज नै दौनेँ धडेँ दी गल्ल सुनदे होई समझौता करने आस्तै आक्खेआ पर फ्ही बी निधि दी गै बेकसूर होँदे होई बी कसूर मनना हा। ओह् आह्ली घड़ी बडी गै मुश्कल ही। उ'नेँ काकलेँ पर हस्ताक्षर करदे होई हत्थ कम्बै दे ही ते अक्खीँ रोआ दियां ही। हस्ताक्षर करने कन्नै गै किश जुर्माना बी कीता गेआ। घर आइयै निधि ने प्रण कीता जे जरूरी नेईं जे गल्त कम्म करने दे मगरा गै पश्चताप् कीता जा जे हून बुरा कम्म नेईँ करना बल्के केँईँ बारी चंगे कम्म करने दे बाद बी पश्चताप् होँदा ऎ जे कुसै कन्नै बी भलाई नेईँ करनी।
...........................................
Dr. Chanchal Bhasin
No comments:
Post a Comment