" रिश्तेँ च हिरख की घटदा जा'रदा ऎ?"
डॉ. चंचल भसीन
माहनू एक समाजक ते दुनिया दा सर्वश्रेश्ट प्राणी ऎ। ओह् समाज दे बगैर नेईं रे'ई सकदा। ईश्वर ने उसी सोचने दी अद्भुत शक्ति दिती दी ऎ। जिस थाह्रे पर रौंह्दा ऎ उत्थै अपनी गै चाल्ली दा इक संसार बसाई लैँदा ऎ अर्थात सबकिश इस्सै संसारै चा गै हासल करदा ऎ। इस्सै दे अधार पर सरोखड सपने संजोँदा ऎ।जिनेँगी पूरा करने आस्तै ओह् दिनै रातीँ लग्गे दा रौँह्दा ऎ। ओह् अपने हित सबूरने दे कन्नै-कन्नै समाज दे घरै दे सदस्य दा भला गै चांह्दा ऎ। पर अज्जै दा माह्नू इक्कलसोख होई गेदा ऎ। उ'न्न इस गल्लै गी तकरीबन झूठा गै साबत करी ओडेदा ऎ जे माह्नू समाजक प्राणी ऎ ते ओह् समाज लेई जीँदा ते मरदा ऎ।पर अज्जै दी दौडदी जिँदगी च ओह्, स्वार्थी, लोभी ते भ्रश्ट होई गेदा ऎ। म्हेशां ओह् अपने कम्म पूरे होई जाने पर उस समाजै गी इक बक्खी करी दिंदा ऎ।
आदिकाल थमां गै मनुक्खी जीवन च द'ऊं चाल्ली दियां प्रवृतियां रे'ईयां न किश लोक स्वार्थी भावना थमां प्रेरत होइयै अपना हित साधनेँ दी करदे न, पर किश ऎसे बी हैन जेह्डे दूए दे हितेँ च गै अपना हित समझदे न। पर ऎसा बी नेईँ ऎ जे स्वार्थ भावना गै ऎ। जेकर संसारै च स्वार्थ भावना बद्धी जाग तां जीवनै च प्रश्न चिन्ह लग्गी जाग। समाज सद्गुणेँ थमां बंचित होई जाग। धर्म सदाचार ते सहानूभूति दा अस्तित्व गै खत्म होई जाग। ऊ'आं ते अपने आस्तै ते मकोडे बी जी लैँदे न।
अज्ज माह्नू कोल सब्भै सुक्ख साधन हैन, पर फ्ही बी माह्नू सुक्खी नेईं ऎ। इत्थै लगातार संघर्श, ईर्ष्या आदि लोकेँ च ऎ। माह्नू सिद्धै चन्न पर पुज्जना चांह्दा ऎ।इक-दूए थमां अग्गै बद्धना चांह्दा ऎ। इस्सै आस्तै आपसी खिचोतनी ते स्वार्थेँ दा रज्जियै प्रदर्शन होँदा ऎ उ'नेँगी अपने स्वार्थेँ दे अलावा कुसै बी रिश्तेँ दी परवाह् नेईँ ऎ।चाहे ओह् घरै दे सदस्य होन जां कोई गुआंढी, उसी अपना-आप गै लब्भदा ऎ। अज्ज रिश्तेँ च हिरखी सरबंध मुक्की गै गेदे न। कोई बी कुसै दे जज्बातेँ गी नेईँ समझदा ओह्दी कदर नेईँ करदा सगुआं उसी लताडने दी गै कोशश करदा। उसी आपो-अपनी गै पेदी ऎ। अज्ज इ'नेँ सब्भेँ रिश्तेँ दे मधुर सरबंधेँ च कोडतन आई गेदी ऎ। रिश्तेँ च हिरख दे खत्म होने दा इक आम कारण लोकेँ दी बद्धी जरूरतां न ते जिनेँगी पूरा करने आस्तै ओह् इ'नेँ रिश्तेँ गी बी दरकनार करी ओडदा ऎ।
अज्ज अस दिक्खने आं जे घरेलू रिश्तेँ च इक दरेड आई गेदी ऎ। इ'न्दी दरेड दा कारण आर्थक, समाजक बंधन ते समेँ दी कमी ऎ। अज्ज माह्नू चकाचौँध च हिरखी रिश्तेँ भुल्ली गेदा ऎ। कुसै कन्नै बी हिरख नेईँ ऎ। अपनी कोई बी चीज कुसै कन्नै बंडियै राजी नेईँ ऎ। ओह् सिर्फ अपने आस्तै गै जीँदे न। पैहे दे लालचै च पूरी चाल्ली गलतान होई गेदा ऎ। उसी हर इक रिश्तेँ च पैहा गै लब्भदा ऎ जेह्दे कोल पैहा ऎ ओह् देवता सरुप ऎ। बशक्क ओह् अंदरा दा जिन्ना मर्जी बेईमान होए। ओह्दी उसी कोई बी परवाह् नेईँ ऎ। ओह्दे आस्तै मां-बब्ब, भैन-भ्रा, धीयां-पुतर सब्भ रिश्तेँ पैहा गै ऎ। माह्नू समाजै च अपना रसूक बनाने आस्तै सब्भै ओह् कम्म करदा ऎ जेह्दे कन्नै ओह्दी इंसानियत गी बी नक्सान पुज्जी जंदा ऎ।
अज्ज माह्नू कोल इ'न्ना समां नेईँ ऎ जे ओह् इ'नेँ रिश्तेँ गी गंढी बन्नियै टुरी सकै। ओह् सब्भ किश तौले गै पूरा करी लैना चांह्दा ऎ। ओह् चन्न-तारेँ गी इक बारी फडी लैना चांह्दा ऎ। मशीनी जुग च माह्नू आपूं गै मशीन बनी गेदा ऎ। इस खिचोखिची च इ'नेँ रिश्तेँ गी नभाना नेईँ चांह्दा। ओह् कुसै बी चीजै गी कुसै कन्नै सांझा नेईँ करना चांह्दा। इत्थूं तगर जे, घरै च रौँह्दे होई बी अज्ज माह्नू कुसै कन्नै कोई शैह् गी कुसै कन्नै नेईँ बंडदा ऎ। एह् आह्ली आदत उसी बचपन थमां गै पेई जंदी ऎ। ओह् आपूं कमांदा ऎ आपूं गै उस दा इस्तेमाल करदा ऎ। इत्थूं तगर जे उस दी पालमा-परोश करने आह्ले बी उसी चुभन लगी पौँदे न। इस कोल इ'न्ना समां नेईँ ऎ जे ओह् उंदे बढापे दा साह्रा बनै।अपने बुडढे माऊ-बब्बै आस्तै ओह्दे कोल समां नेईँ ऎ। ते केईँ बारी उ'नेँगी इस समाजै च ठिड्डे लैने आस्तै छोडी दिँदा ऎ। उंदी दिक्ख-रिक्ख नेईँ करी सकदा। इस करी ओह्दे रिश्तेँ च हिरखी सरबंध खत्म गै होँदे जा करदे न।
पर अज्ज इ'नेँ रिश्तेँ च हिरख दे घटने दा कारण आर्थक बी एह् कीजे इस मैँह्गाई दे दौर च अपना खर्च चलाना मुशकल ऎ ते परिवार दे सदस्य गी ओह् अपने कन्नै नेईँ रखना चांह्दा। ओह् परिवार दे बाकी सदस्य कोला इ'यै उमीँद करदा ऎ जे बाकी बी ओह्दे कन्नै हत्थ बटान। पर जिसलै इ'यां नेईँ होँदा तां ओह् घरै थमां अपना चुल्ल-चौका बक्ख करी लैँदा ऎ। उसलै ओह्दे रिश्तेँ अंदर हिरख आह्ला कोई बी सरबंध नेईँ होँदा। अज्ज ओह् पैह्ला समां नेईँ रे'दा जिसलै इक सदस्य कमांदा हा ते बाकी सब्भै खंदे हे।अज्ज माह्नू दा बतीरा होई गेदा ऎ जे ओह् झूठी शोह्रत दा भुक्ख, मतलब प्रस्त, फरेबी, झूठ बेईमानी बगैरा जनेइयेँ कह्बैतेँ दा शकार होइयै माह्नू गै माह्नू गी छली जा करदा ऎ, ठग्गी जा दा ऎ। इयै ज'नेही परिस्थितियेँ च डोगरी दे कवि दी कविता एह् पगंतियां चेता उठी औंह्दियां न जिँदे च उ'नेँ इ'नेँ रिश्तेँ च सुघंडदी इंसानियत गी बझाले दा ऎ:-
"उब्बी मडो जमाना हा, ते इब्बी अज्ज जमाना ऎ,
अदूं बी दिलै च खान्ना हा ते हून बी दिलै च खान्ना ऎ,
ओह् खान्ना प्यार भरोचा हा, पर हून इयै अभिमानी ऎ,
उस लहुऎ दी डबरी अंदर, अज्ज भरोचा पानी ऎ।"
अज्ज माह्नू दे अंदर हिरख मिटी गै जा करदा ऎ जिस कन्नै लहू दा रंग बी चिट्टा होई गेआ ऎ। उसी कुसै कन्नै कोई हमदर्दी नेईँ रे'ई गेदी ऎ।हिरखी सरबंधेँ दा घटी जाना किश हद्दै तगर समाजक बंधन बी जिम्मेदार हैन न जि'नेँगी नभाने आस्तै माह्नू गी किश मर्यादाएं दा पालन करना पौँदा ए जेह्डा उसी नाबार बझोँदा ऎ। इ'नेँ रिश्तेँ गी नभाना ओह्दे आस्तै मुशकल होई जंदा ऎ। जि'यां केह् घर रौँह्दे होई अपने बड्डे बडेरे दी गल्लेँ गी मनना, उंदी अनुमति बीजन कुतै अंदर-बाह्र नेईँ जाना।जिसलै इ'नेँ गल्लेँ दा पालना करना उंदे आस्तै मुश्कल होई जंदा ऎ। तां घर च हर बेल्लै तनाऽ भरोचा वातावरण बनी जंदा ऎ। भामेँ ओह् रिश्तेँ बब्ब-पुत्तर, सस्स-नूहं, जां ननान-भरजाई दा होवै।इ'नेँ सब्भनेँ गी अपने-अपने स्भाएं मताबक गै अजादी चाहिदी ऎ।पर जिसलै इंदे च बंदशां लग्गन लगदियां न तां ओह् इ'नेँ रिश्तेँ थमां लड छडकाने दे जतन करन लगी पौँदे न। उसलै पुत्तरें गी माऊ-बब्बै दी कोई बी गल्ल मन नेईँ भांदी ते ओह् ओह्दा बरोध करन लगदा ऎ, सस्स-नूहं दी खुडबोखुडबी लगातार चलदी ऎ। नूहं घरै दी चारदीवारी च कैद होइयै नेईँ रौह्ना चांह्दी। उसी बी अपने पैरेँ पर खडोने दा पूरा-पूरा हक्क ऎ ते ओह् आर्थक तौरै पर पूरी चाल्ली कन्नै स्वतंत्र होना चांह्दी ऎ। इ'यां घरै च नमीँ ते परानी पीढी बश्कार टाकरा होन लगी पौँदा ऎ। नारी गी घरै दी चारदीवारी च गै रक्खना चांह्दी ऎ। पर ओह् ओह्दे आस्तै मुश्कल होई जंदा ऎ। केईँ बारी ननान-भरजाई दे रिश्तेँ च बी कौडतन भरोची जंदी ऎ। इयै जनेह् केईँ निक्के-निक्के कारण हैन न जेह्डे मनुक्खी रिश्तेँ च रकावट बनदे न। अज्ज माह्नू इक-दूएं थमां अग्गै गै निकलना चांह्दा ऎ। ओह् रिश्तेँ गी कन्नै लेइयै नेईँ टुरदा। ते ना गै इस दी जरुरत समझदा ऎ।
पर अज्ज सोचने आह्ली इयै गल्ल ऎ जे माह्नू एह् क'नेईँ कबत्ती बत्तै पर चली पेआ ऎ जित्थै उसी कुसै कन्नै बी हमदर्दी नेईँ रे'ई। इयां एह् समाजै गी किस बक्खी लेई जाग। उसी इस गल्लै गी ध्यानै च रक्खना पौह्ग जे दूएं दे सुक्खेँ-दुक्खेँ च सच्चे हिरखी बनियै दिलचस्पी लैना गै नरोए संस्कारेँ दी नशानी ऎ। इयै इक लक्षण ऎ जेह्डा लोकेँ गी अपनी बक्खी खिचदा ऎ।सच्ची भावना बी इयै जेह्डी साढे दिलेँ थमां निकलदी ऎ ओह् दूए गी इक लडी च ब'न्नी रखदी ऎ। कुसै दी भावनाएं गी शैल चाल्ली समझना, उंदी कदर करना गै हिरख ऎ जिसी समझना अज्जै दे दौरै च बडा गै जरुरी ऎ ते समेँ दी मंग बी ऎ।
-----------------------------------
Dr. Chanchal Bhasin
Lecturer Dogri
डॉ. चंचल भसीन
माहनू एक समाजक ते दुनिया दा सर्वश्रेश्ट प्राणी ऎ। ओह् समाज दे बगैर नेईं रे'ई सकदा। ईश्वर ने उसी सोचने दी अद्भुत शक्ति दिती दी ऎ। जिस थाह्रे पर रौंह्दा ऎ उत्थै अपनी गै चाल्ली दा इक संसार बसाई लैँदा ऎ अर्थात सबकिश इस्सै संसारै चा गै हासल करदा ऎ। इस्सै दे अधार पर सरोखड सपने संजोँदा ऎ।जिनेँगी पूरा करने आस्तै ओह् दिनै रातीँ लग्गे दा रौँह्दा ऎ। ओह् अपने हित सबूरने दे कन्नै-कन्नै समाज दे घरै दे सदस्य दा भला गै चांह्दा ऎ। पर अज्जै दा माह्नू इक्कलसोख होई गेदा ऎ। उ'न्न इस गल्लै गी तकरीबन झूठा गै साबत करी ओडेदा ऎ जे माह्नू समाजक प्राणी ऎ ते ओह् समाज लेई जीँदा ते मरदा ऎ।पर अज्जै दी दौडदी जिँदगी च ओह्, स्वार्थी, लोभी ते भ्रश्ट होई गेदा ऎ। म्हेशां ओह् अपने कम्म पूरे होई जाने पर उस समाजै गी इक बक्खी करी दिंदा ऎ।
आदिकाल थमां गै मनुक्खी जीवन च द'ऊं चाल्ली दियां प्रवृतियां रे'ईयां न किश लोक स्वार्थी भावना थमां प्रेरत होइयै अपना हित साधनेँ दी करदे न, पर किश ऎसे बी हैन जेह्डे दूए दे हितेँ च गै अपना हित समझदे न। पर ऎसा बी नेईँ ऎ जे स्वार्थ भावना गै ऎ। जेकर संसारै च स्वार्थ भावना बद्धी जाग तां जीवनै च प्रश्न चिन्ह लग्गी जाग। समाज सद्गुणेँ थमां बंचित होई जाग। धर्म सदाचार ते सहानूभूति दा अस्तित्व गै खत्म होई जाग। ऊ'आं ते अपने आस्तै ते मकोडे बी जी लैँदे न।
अज्ज माह्नू कोल सब्भै सुक्ख साधन हैन, पर फ्ही बी माह्नू सुक्खी नेईं ऎ। इत्थै लगातार संघर्श, ईर्ष्या आदि लोकेँ च ऎ। माह्नू सिद्धै चन्न पर पुज्जना चांह्दा ऎ।इक-दूए थमां अग्गै बद्धना चांह्दा ऎ। इस्सै आस्तै आपसी खिचोतनी ते स्वार्थेँ दा रज्जियै प्रदर्शन होँदा ऎ उ'नेँगी अपने स्वार्थेँ दे अलावा कुसै बी रिश्तेँ दी परवाह् नेईँ ऎ।चाहे ओह् घरै दे सदस्य होन जां कोई गुआंढी, उसी अपना-आप गै लब्भदा ऎ। अज्ज रिश्तेँ च हिरखी सरबंध मुक्की गै गेदे न। कोई बी कुसै दे जज्बातेँ गी नेईँ समझदा ओह्दी कदर नेईँ करदा सगुआं उसी लताडने दी गै कोशश करदा। उसी आपो-अपनी गै पेदी ऎ। अज्ज इ'नेँ सब्भेँ रिश्तेँ दे मधुर सरबंधेँ च कोडतन आई गेदी ऎ। रिश्तेँ च हिरख दे खत्म होने दा इक आम कारण लोकेँ दी बद्धी जरूरतां न ते जिनेँगी पूरा करने आस्तै ओह् इ'नेँ रिश्तेँ गी बी दरकनार करी ओडदा ऎ।
अज्ज अस दिक्खने आं जे घरेलू रिश्तेँ च इक दरेड आई गेदी ऎ। इ'न्दी दरेड दा कारण आर्थक, समाजक बंधन ते समेँ दी कमी ऎ। अज्ज माह्नू चकाचौँध च हिरखी रिश्तेँ भुल्ली गेदा ऎ। कुसै कन्नै बी हिरख नेईँ ऎ। अपनी कोई बी चीज कुसै कन्नै बंडियै राजी नेईँ ऎ। ओह् सिर्फ अपने आस्तै गै जीँदे न। पैहे दे लालचै च पूरी चाल्ली गलतान होई गेदा ऎ। उसी हर इक रिश्तेँ च पैहा गै लब्भदा ऎ जेह्दे कोल पैहा ऎ ओह् देवता सरुप ऎ। बशक्क ओह् अंदरा दा जिन्ना मर्जी बेईमान होए। ओह्दी उसी कोई बी परवाह् नेईँ ऎ। ओह्दे आस्तै मां-बब्ब, भैन-भ्रा, धीयां-पुतर सब्भ रिश्तेँ पैहा गै ऎ। माह्नू समाजै च अपना रसूक बनाने आस्तै सब्भै ओह् कम्म करदा ऎ जेह्दे कन्नै ओह्दी इंसानियत गी बी नक्सान पुज्जी जंदा ऎ।
अज्ज माह्नू कोल इ'न्ना समां नेईँ ऎ जे ओह् इ'नेँ रिश्तेँ गी गंढी बन्नियै टुरी सकै। ओह् सब्भ किश तौले गै पूरा करी लैना चांह्दा ऎ। ओह् चन्न-तारेँ गी इक बारी फडी लैना चांह्दा ऎ। मशीनी जुग च माह्नू आपूं गै मशीन बनी गेदा ऎ। इस खिचोखिची च इ'नेँ रिश्तेँ गी नभाना नेईँ चांह्दा। ओह् कुसै बी चीजै गी कुसै कन्नै सांझा नेईँ करना चांह्दा। इत्थूं तगर जे, घरै च रौँह्दे होई बी अज्ज माह्नू कुसै कन्नै कोई शैह् गी कुसै कन्नै नेईँ बंडदा ऎ। एह् आह्ली आदत उसी बचपन थमां गै पेई जंदी ऎ। ओह् आपूं कमांदा ऎ आपूं गै उस दा इस्तेमाल करदा ऎ। इत्थूं तगर जे उस दी पालमा-परोश करने आह्ले बी उसी चुभन लगी पौँदे न। इस कोल इ'न्ना समां नेईँ ऎ जे ओह् उंदे बढापे दा साह्रा बनै।अपने बुडढे माऊ-बब्बै आस्तै ओह्दे कोल समां नेईँ ऎ। ते केईँ बारी उ'नेँगी इस समाजै च ठिड्डे लैने आस्तै छोडी दिँदा ऎ। उंदी दिक्ख-रिक्ख नेईँ करी सकदा। इस करी ओह्दे रिश्तेँ च हिरखी सरबंध खत्म गै होँदे जा करदे न।
पर अज्ज इ'नेँ रिश्तेँ च हिरख दे घटने दा कारण आर्थक बी एह् कीजे इस मैँह्गाई दे दौर च अपना खर्च चलाना मुशकल ऎ ते परिवार दे सदस्य गी ओह् अपने कन्नै नेईँ रखना चांह्दा। ओह् परिवार दे बाकी सदस्य कोला इ'यै उमीँद करदा ऎ जे बाकी बी ओह्दे कन्नै हत्थ बटान। पर जिसलै इ'यां नेईँ होँदा तां ओह् घरै थमां अपना चुल्ल-चौका बक्ख करी लैँदा ऎ। उसलै ओह्दे रिश्तेँ अंदर हिरख आह्ला कोई बी सरबंध नेईँ होँदा। अज्ज ओह् पैह्ला समां नेईँ रे'दा जिसलै इक सदस्य कमांदा हा ते बाकी सब्भै खंदे हे।अज्ज माह्नू दा बतीरा होई गेदा ऎ जे ओह् झूठी शोह्रत दा भुक्ख, मतलब प्रस्त, फरेबी, झूठ बेईमानी बगैरा जनेइयेँ कह्बैतेँ दा शकार होइयै माह्नू गै माह्नू गी छली जा करदा ऎ, ठग्गी जा दा ऎ। इयै ज'नेही परिस्थितियेँ च डोगरी दे कवि दी कविता एह् पगंतियां चेता उठी औंह्दियां न जिँदे च उ'नेँ इ'नेँ रिश्तेँ च सुघंडदी इंसानियत गी बझाले दा ऎ:-
"उब्बी मडो जमाना हा, ते इब्बी अज्ज जमाना ऎ,
अदूं बी दिलै च खान्ना हा ते हून बी दिलै च खान्ना ऎ,
ओह् खान्ना प्यार भरोचा हा, पर हून इयै अभिमानी ऎ,
उस लहुऎ दी डबरी अंदर, अज्ज भरोचा पानी ऎ।"
अज्ज माह्नू दे अंदर हिरख मिटी गै जा करदा ऎ जिस कन्नै लहू दा रंग बी चिट्टा होई गेआ ऎ। उसी कुसै कन्नै कोई हमदर्दी नेईँ रे'ई गेदी ऎ।हिरखी सरबंधेँ दा घटी जाना किश हद्दै तगर समाजक बंधन बी जिम्मेदार हैन न जि'नेँगी नभाने आस्तै माह्नू गी किश मर्यादाएं दा पालन करना पौँदा ए जेह्डा उसी नाबार बझोँदा ऎ। इ'नेँ रिश्तेँ गी नभाना ओह्दे आस्तै मुशकल होई जंदा ऎ। जि'यां केह् घर रौँह्दे होई अपने बड्डे बडेरे दी गल्लेँ गी मनना, उंदी अनुमति बीजन कुतै अंदर-बाह्र नेईँ जाना।जिसलै इ'नेँ गल्लेँ दा पालना करना उंदे आस्तै मुश्कल होई जंदा ऎ। तां घर च हर बेल्लै तनाऽ भरोचा वातावरण बनी जंदा ऎ। भामेँ ओह् रिश्तेँ बब्ब-पुत्तर, सस्स-नूहं, जां ननान-भरजाई दा होवै।इ'नेँ सब्भनेँ गी अपने-अपने स्भाएं मताबक गै अजादी चाहिदी ऎ।पर जिसलै इंदे च बंदशां लग्गन लगदियां न तां ओह् इ'नेँ रिश्तेँ थमां लड छडकाने दे जतन करन लगी पौँदे न। उसलै पुत्तरें गी माऊ-बब्बै दी कोई बी गल्ल मन नेईँ भांदी ते ओह् ओह्दा बरोध करन लगदा ऎ, सस्स-नूहं दी खुडबोखुडबी लगातार चलदी ऎ। नूहं घरै दी चारदीवारी च कैद होइयै नेईँ रौह्ना चांह्दी। उसी बी अपने पैरेँ पर खडोने दा पूरा-पूरा हक्क ऎ ते ओह् आर्थक तौरै पर पूरी चाल्ली कन्नै स्वतंत्र होना चांह्दी ऎ। इ'यां घरै च नमीँ ते परानी पीढी बश्कार टाकरा होन लगी पौँदा ऎ। नारी गी घरै दी चारदीवारी च गै रक्खना चांह्दी ऎ। पर ओह् ओह्दे आस्तै मुश्कल होई जंदा ऎ। केईँ बारी ननान-भरजाई दे रिश्तेँ च बी कौडतन भरोची जंदी ऎ। इयै जनेह् केईँ निक्के-निक्के कारण हैन न जेह्डे मनुक्खी रिश्तेँ च रकावट बनदे न। अज्ज माह्नू इक-दूएं थमां अग्गै गै निकलना चांह्दा ऎ। ओह् रिश्तेँ गी कन्नै लेइयै नेईँ टुरदा। ते ना गै इस दी जरुरत समझदा ऎ।
पर अज्ज सोचने आह्ली इयै गल्ल ऎ जे माह्नू एह् क'नेईँ कबत्ती बत्तै पर चली पेआ ऎ जित्थै उसी कुसै कन्नै बी हमदर्दी नेईँ रे'ई। इयां एह् समाजै गी किस बक्खी लेई जाग। उसी इस गल्लै गी ध्यानै च रक्खना पौह्ग जे दूएं दे सुक्खेँ-दुक्खेँ च सच्चे हिरखी बनियै दिलचस्पी लैना गै नरोए संस्कारेँ दी नशानी ऎ। इयै इक लक्षण ऎ जेह्डा लोकेँ गी अपनी बक्खी खिचदा ऎ।सच्ची भावना बी इयै जेह्डी साढे दिलेँ थमां निकलदी ऎ ओह् दूए गी इक लडी च ब'न्नी रखदी ऎ। कुसै दी भावनाएं गी शैल चाल्ली समझना, उंदी कदर करना गै हिरख ऎ जिसी समझना अज्जै दे दौरै च बडा गै जरुरी ऎ ते समेँ दी मंग बी ऎ।
-----------------------------------
Dr. Chanchal Bhasin
Lecturer Dogri
No comments:
Post a Comment