मेरी नमीं कताब: लेख-बगिया (लेख-संग्रैह्)

 

हर कताब पढ़ने उप्पर किश ना किश बिचार मनै च बनदे गै न पर कागजै तगर नेईं पुजदे। पुस्तक विमोचन दे मौके उप्पर विमोचत होने आह्‌ली कताबा पर लेख लिखने दा साद्दा मती बारी इस चाल्ली दे लेखें दा सबब्ब बनदा ऐ, मेरे इ’नें लेखें दी पछौकड़ा च बी पुस्तक विमोचन समारोह् रेह्

न। समें-समें पर सैमीनारें च शोध-पेपर बी पढ़े। प्रकाशत होने आह्‌‌‌ली केइयें कताबें दे विमोचन-समारोहें पर समीक्षात्मक लेख बी पढ़े। इस सारे सफर च खासे लेख कट्ठे होई पे, जिं’दे चा मते हारे पत्र-पित्रकाएं च प्रकाशत बी होए दे न। कठ्ठी होई दी इस समग्गरी चा पैह्‌लें समीक्षात्मक लेखें गी प्रकाशत करने दा मन बनाया ते एह्‌ कताब उस्सै कोशशा दा फल ऐ। इस संकलनै च 13 लेख शामल न।

जि’यां के इस कताबै दा शीशर्क ‘लेख-बगिया-1’ ऐ, इत्थै में एह्‌ गल्ल बी तुंʼदे कन्नै सांझी करना चाह्‌ङ जे एह्‌ नांऽ में अपने फेसबुक दे ग्रुप ‘लेख-बगिया’ पर रक्खेआ ऐ, जेह्‌ड़ा 4 अगस्त 2013 ई. थमां चला दा ऐ। इस ग्रुप च बी साहित्य सरबंधी समग्गरी गै होंदी ऐ। अग्गें बी अलोचना-

समालोचना दे होर संग्रैह्‌ इस्सै नांऽ दे तैह्‌ त सीरीज दे रूप च प्रकाशत करने दी मेरी मनशा ऐ इस लेई इस्सी 1 नंबर 

दित्ता ऐ। इस कताबा च शामल लेख न:

पद्य साहित्यः

1. कुरजदा: सोचें दा सरलाऽ (पूर्ण चंद बडगोत्रा)
2. चुब्भ करादियां: लामियां बुझामियां (ध्यान सिंह)
3. पानियै  दियां पशाकां (विजय सराफ ‘मीनागी’)
4. मनै च पांदे हुल्ल: टटूहे दे फुल्ल (विजय शर्मा)
5. हिरखै दी पीड़ दा एहसास (तारा दानपुरी)
6. वियोग दी कवयित्री पद्मा सचदेवः समीक्षा (डॉ. सुनील शर्मा) 

गद्य साहित्यः

1. अतीत दे परशामें च जिंदगी ( शिववदेव सिंह ‘सुशील’)

2. खंडत मूरती दी पीड़ (तारा दानपुरी)

3. गोहाड़मे- पंज बाल रंग (मोहन सिंह)

4. डोगरी अनुसंधान-इक परिचे (सुनिता भडवाल)

5. डोगरी कोश विज्ञान: इक नजर (डॉ. गंगा शर्मा)

6. इक समाजी झरोखा: फुल्ल ते कंडे ( गिरधारी लाल ‘राही’)

7. बदलदा: लहुऐ दा रंग (तारा दानपुरी)

                       ◇◇◇

                                    डॉ. चंचल भसीन