'भलेखा' (डॉ. चंचल भसीन)

भलेखा (डॉ. चंचल भसीन)

केईं बारी सोच औंदी ऐ
जे
धार्मक ते तीर्थ-स्थानें पर
रींघां लाइयै
बैठे दे मंगते
अंदर जाने आह्‌ले
शरधालुएं अग्गै
कीऽ तलियां अडदे न
मिन्नतां करदे न
थालियें च भनकट पाइयै

ओह्
अंदर आह्‌ले कशा
आपूं की निं मंग्गी लैंदे
अंदर जाइयै
जिस कशा ओह् सब मंगन जा दे न

फ्ही लगदा ऐ
कुतै ऐसा ते नेईं
जे अंदर जाने आह्‌ले सब भलेखे च न
‘ओह्’ अंदर है गै नेईं
ते
मंगतें गी एह् सब पता ऐ !
...................................................

©(डॉ. चंचल भसीन)

'अजाद' (डॉ. चंचल भसीन)

-अजाद—

मंदरें दी घैंटी
मसीती दी अजान,
गिरजाघरें दी प्रार्थना,
गुरद्वारें दी गुरबाणी दी मिट्ठड़ी तान –
एह् सब सुर मीं भांदे
मेरा मन-चित्त लांदे
मेरे साहीं ज्हारां लोक खचोंदे
भीड़ बनांदे
आ'ऊं बी भीड़ा कन्नै भीड़ बनी जंदी
उं'दे च दड़ी-दड़ी बौंह्‌दी
खुशी-खुशी, हसदे-हसदे
मेरे कन्नै ज्हारां लोक चलदे
जाने-अनजाने
जेह्‌ड़े
मीं मेरा गै हिस्सा बझोंदे

जदूं कदें जिसलै भीड़
खिट्टां लांदी
रौला पांदी
किश खिंझदे-बिझदे
केईं बारी
में जान बचाई बी लैंदी
पर
समें दी घड़ी
समें-समें पर
मिगी भेड़-चाल चलने शा चितेआंदी
अपनी चाल रोकने लेई पतेआंदी

पर जिसलै भीड़
शतान बनी गेई
‘में-में, मेरी-मेरी’
पर गै भिड़ी पेई
मेरा अंध-भक्ति दा भरम त्रुट्टा
मेरे अंदर इक बक्खरा सुंब फुट्टा
मिगी हून बी सब सुर भांदे न
मेरा मन-चित्त लांदे न
पर
हून मिगी भीड़ा दी लोड़ नेईं 
हुन में भीड़ा शा बक्खरी आं
जित्थै मन करदा जाई बौह्‌न्नीं
कुसै दी धक्काशाही नेईं मन्ननीं ।
....................................
(डॉ. चंचल भसीन)

'वो दिन' (डॉ. चंचल भसीन)

‘वो दिन’
बहुत याद आते हैं
मुझे वो दिन
जाने क्यूं?
जब गली मोहल्ले की
चाची, मामी, मासी,
कान से पकड़कर
मुँह में गाली फुसफुसाते हुए
उलाहना देने आती
और
माँ के सामने खड़ा कर देतीं
माँ का देखना और आँखों आँखों
से ही
खाल उधेड़ देना
सहमकर बैठ जाना
चाची, मामी, मासी के जाते ही
पुचकारना
बालों को सबांरना
गले लगाकर
अपनी आँखें भी गीली कर लेना
याद आते हैं वो दिन
जाने क्यूं
पर आते हैं।
  (डॉ. चंचल भसीन)

आज के दैनिक जागरण में (12-05-2020)